Revolucion: një ndryshim i papritur, rrënjësor dhe tërësor nga mënyra se si bëhen gjërat zakonisht. Revolucion. Vetë fjala nxit shpresë,

ndez pasion dhe frymëzon besnikëri si asnjë fjalë tjetër në fjalorin njerëzor. Ai të sjell në mendje pamjet e një grupi shumë të vogël njerëzish të cilët nuk duan të jetojnë më siç kanë jetuar në të kaluaren. "Unë besoj se ka ardhur koha për revolucionin tjetër botëror, më të madhin e të gjithëve.", - thotë Joyce Meyer. "Ne nuk na duhet një revolucion i mbështetur në politikë, ekonomi apo teknologji; çfarë na duhet është një revolucion dashurie. Libri që po mbani në duar është i rrezikshëm - një manual revolucioni. Nuk është thjesht një thirrje për të vepruar; ai është një thirrje për të qenë... për të qenë personi i cili ndihmon një mik në nevojë... që praktikon agresivisht veprat e mirësisë. Joyce Meyer nxjerr në pah se nëse jetojmë për veten tonë, asnjëherë nuk do të kënaqemi. Bibla na mëson se kur e japim veten tërësisht, ne marrim jo vetëm atë që kemi dhënë, por tepricë dhe bekime. Me kapitujt e kontribuesve të ftuar si Darlene Zschech nga Hillsongs, Martin Smith nga Delirious?, pastorët Paul Scanlon, Tommy Barnett dhe John Maxwell, Revolucioni i dashurisë strukturon një mënyrë të re jetese - një mënyrë që do të ndryshojë jetën dhe botën tuaj. Unë marr përsipër dhembshurinë dhe dorëzoj justifikimet e mia. Unë qëndroj kundër padrejtësisë dhe përkushtohem të vë në jetë veprime të thjeshta të dashurisë së Perëndisë. Refuzoj të rri duarkryq. Ky është vendimi im. Une jam revolucioni i dashurisë.